Апрограммаҿы иҟоуп аӡыргарақәа, иреиҳау аҵараиурҭақәа рхаҭарнакцәа рԥыларақәа, амастер-классқәа.
Аҽазыҟаҵара ахырхарҭақәа рахь иаҵанакуеит амедицина, анџьныртә занааҭқәа, аекономика, аинформациатә технологиақәа, азин, агуманитартә ҭҵаарадыррақәа.
«Ҳара ҳзы ҳаҭыр дууп аҵаратә системақәеи академиатә традициақәеи, еидызкыло ари акрызҵазкуа ацәыргақәҵа аиҿкааҩыс аҟазаара»,- ҳәа азгәеиҭеит Аԥсны иҟоу Россотрудничество ахаҭарнакра аиҳабы инапынҵақәа назыгӡо Вадим Банников.
Иара иажәақәа рыла, Аԥсны аҿар ареспублика акультура-ҭоурыхтә контекст ҳасаб азуны зхаҭабзиара ҳараку аҵара аиуразы алшара рыҭара акраҵанакуеит.
Ацәыргақәҵа аиҿкааҩ-Аԥсны иҟоу Россотрудничество ахаҭарнакра. Аусмҩаԥгатә аиҳабыратә классқәа рҵаҩцәеи, ашколқәа роушьҭымҭацәеи, урҭ рҭаацәеи ирзырхоуп.
