Урыстәылатәи аделегациа иалалеит Самаратәи аобласт Аԥсадгьыл аибашьцәа рҭаацәарақәа Реилак анапхгаҩы Екатерина Колотовкина, Урыстәыла Ауаажәларратә палата алахәыла Александр Луконин, ауаажәларратә проектқәа рзы Урыстәылатәи афедерациа Ахада Иусбарҭа аконсультант Лариса Хлопотина.
Гәыли Кьычба Урыстәылазегьтәи апроект «Афырхацәа рыҳәсақәа» напхгара азҭо Екатерина Колотовкина лусура аҵакы инаҵшьны иазгәалҭеит, лколлегацәа иҭабуп ҳәа ралҳәеит иҟарҵаз адгыларазы.
«Ҳҿарацәа аӡәырҩы уажәы иҷыдоу арратә операциа иалахәуп ҳзеиԥш дунеи аиашареи аинтересқәеи рыхьчоит», - ҳәа аҳәамҭа ҟалҵеит лара.
Аиԥылара алахәылацәа азхьаԥшит аррамаҵзурауаа рҭаацәарақәа асоциалтә дгылара рыҭареи аибашьра алахәылацәа рреабилитациеи аҵак ду шамоу.
Инаҵшьны иазгәаҭан Урыстәылеи Аԥсни руаажәларратә институтқәа русеицура аҵакы.
